Riksarkivaren si forskrift Kap. 1

§1-1 Arkivplan

(1) Alle offentlege organ skal til ei kvar tid ha ein ajourført arkivplan jf. arkivforskriften §4. Arkivplanen skal innrettast slik at han kan brukast som eit reiskap i organet sitt internkontroll med arkivarbeidet. I arkivplanen skal organet dokumentere korleis arkivansvaret blir ivareteke, og korleis arkivfunksjonen er organisert. Arkivplanen skal gje ein samla oversikt over organet sitt arkiv, jf. arkivlova §2 bokstav b.

(2) Arkivplanen skal, i tillegg til å oppfylle krav som elles følgjer av denne forskrifta, minst innehalde:

a) organisering av arkivfunksjonen og delegeringsfullmakter på arkivområdet, inkludert kor ansvaret for å forvalte arkiva er plassert, samt eventuelle avtalar om kjøp av arkivtenester,

b) rutinar for dokumentfangst, journalføring, tilgangsstyring og kvalitetssikring av arkiva, jf. arkivforskriften §12,

c) rutinar for oppbevaring og sikring av arkiva,

d) klassifikasjon som mellom anna viser kva prosessar arkivdokumenta inngår i, jf. arkivforskriften §5,

e) oppdatert arkivoversikt som viser kor arkivdokumenta er lagra,

f) bevarings- og kassasjonsplan med oppbevaringsfristar og rutinar for gjennomføring av planane, jf. arkivforskriften §16, og

g) avleveringsplan for statlege organ, jf. arkivforskrifta §19).